"Елім-Айдың" 29 жастағы футболшысы жол апатынан көз жұмды
Жол апаты Абай – Қарағанды тасжолында болған.
Қарағанды облысында жол апатынан 29 жастағы футболшы, көкшетаулық "Елім-Ай" клубының ойыншысы Илья Буртовой көз жұмды.
Өңірлік ПД мәліметінше, апат 6 маусымда Дубовка кенті маңындағы автожолдың 1-шақырымында, Абай — Қарағанды тасжолында болған. Chevrolet Cobalt автокөлігінің жүргізушісі, 21 жастағы ер адам, көлікті басқара алмай, қарсы жолаққа шығып кеткен. Сол жерде ол 44 жастағы жүргізуші басқарған Opel Vectra автокөлігімен соқтығысқан.
Жол-көлік оқиғасы салдарынан Chevrolet Cobalt жүргізушісі мен оның екі жолаушысы жарақат алып, ауруханаға жеткізілді. Илья Буртовой профессор Х.Ж. Мақажанов атындағы көпбейінді ауруханаға ауыр жағдайда жатқызылды. Дәрігерлердің күш-жігеріне қарамастан, оны аман алып қалу мүмкін болмады.
Илья Буртовойдың мансабы
Илья Буртовой футболдағы кәсіби жолын 2015 жылы "Шахтер-Болат" командасында бастаған. Кейін футзалға ауысып, Қарағандының "Прогресс" клубы сапында Қазақстан кубогында өнер көрсетті. Сонымен қатар ол "Скаут" балалар футбол клубының жаттықтырушысы болды.
2025 жылы Буртовой Көкшетаудың "Елім-Ай" клубы сапында Қазақстан кубогы мен Бірінші лига матчтарында өнер көрсетті.
Айта кетейік, Илья Буртовой 1996 жылы дүниеге келген.