Қазақстанның Бірінші лигасы аяқталды
Футболдан Қазақстанның Бірінші лигасында 2026 жылғы маусым өз мәресіне жетті.
"Шахтер" мен "Тұран" Премьер-лигаға оралды
Бірінші лиганың биылғы маусымында "Шахтер" үздік нәтиже көрсетіп, чемпион атанды. Қарағандылық команда Қазақстан Премьер-лигасына мерзімінен бұрын жолдама алып үлгерген.
Жоғары дивизионға көтерілген екінші ұжым – "Тұран" клубы. Түркістандықтар чемпионатты үшінші орынмен аяқтаса да, келесі маусымда ҚПЛ-да өнер көрсету құқығына ие болды.
Ал турнир кестесінде екінші орын алған "Қайрат-Жастар" командасы Премьер-лигаға көтеріле алмайды. Себебі Қазақстан футбол федерациясының (ҚФФ) регламентіне сәйкес негізгі клубтың фарм-командасына жоғары дивизионда ойнауға рұқсат берілмейді.
Бірінші лиганың 26-туры: барлық матчтың нәтижесі
Маусымның шешуші турында жеті кездесу өтіп, жанкүйерлер бірнеше нәтижелі ойынның куәсі болды.
Турдағы ең нәтижелі матч "Ақтөбе М" мен "Астана М" командалары арасында өтті. Тоғыз гол соғылған кездесуде елордалық ұжым 6:3 есебімен басым түсті.
Ал чемпион атанған "Шахтер" соңғы ойынында "Қайрат-Жастарға" 2:3 есебімен есе жіберді. Дегенмен бұл нәтиже қарағандылықтардың турнирдегі бірінші орнына әсер еткен жоқ.