Оған футболшының ауыр жарақат алуы себеп.
Чемпиондар лигасы жалпы кезеңінің төртінші турында "Црвена Звездаға" қарсы матч кезінде "Барселонаның" 17 жастағы қорғаушысы Пау Кубарси ауыр жарақат алды.
"Црвена Звезда" ойыншысы Урош Спаич аяғымен Пау Кубарсидің бетінен тиеді. Соның кесірінен каталондық ойыншының беті жыртылып, он тігіс салуға тура келген. "Барселона" баспасөз қызметі жарақат алған ойыншының фотосуретін әлеуметтік желілерде жариялады.
Айта кетсек, "Барселонаның" жас ойыншысы ойынның 67-минутында алмастырылды. Жалпы, аталған матч 5:2 есебімен "Барселонаның" пайдасына шешілді.
