Қазақстан футбол федерациясы (ҚФФ) Қазақстан чемпионатының жаңа атауы мен логотипін көпшілікке ұсынды. Бұл өзгеріс букмекерлік демеушіліктен бас тарту аясында жүзеге асырылды.
Федерация өкілдерінің мәлімдеуінше, чемпионаттың толық таныстырылымы ҚФФ-ның ресми әлеуметтік желілерінде өтеді. Жаңа бренд атауы мен логотиптің басты мақсаты – отандық футболдың беделін арттырып, жанкүйерлерге таза спорттық бәсекені ұсыну.
ҚФФ атап өткендей, бұл жобаға федерация тарапынан қаржы бөлінген жоқ. Барлық бренд-букті ҚФФ серіктестері өз қаражатымен дайындаған. Бұл – Қазақстан футболының дамуына қолдау білдірген серіктестердің маңызды үлесі.
Толық ақпарат пен жаңа логотиптің таныстырылымы жақын арада ҚФФ ресми аккаунттарында жарияланатын болады.
