ФИФА түріктің "Адана Демирспор" клубына кезекті санкция қолданды.
Түркия футбол федерациясының (TFF) мәліметінше, Суперлига өкіліне тағы алты ұпай шегеру жазасы қолданылған.
Бұл 2024/2025 маусымында “Адана Демирспор” командасының ФИФА тарапынан алған екінші жазасы. Бұған дейін ұйым клубтан үш ұпай шегерген болатын. Сонымен қатар Түркия футбол федерациясы клубты “Галатасарай” матчынан кетіп қалғаны үшін тағы үш ұпай айыру жазасына тартты.
Қазір Суперлигада соңғы орында келе жатқан клубтың есебінде -3 ұпай ғана қалды. Айта кетейік, бұл команда сапында Қазақстан құрамасының шабуылшысы Абат Айымбетов өнер көрсетеді.
