Астананың "Барысы" Құрлықтық хоккей лигасы аясында сырт алаңда уфалық "Салават Юлаевпен" кездесті.
Ойын алдында қазақстандық клуб Шығыс конференциясында 10-орында, ал ресейлік ұжым 7-сатыда тұрған. Екі команда арасы алты ұпай болды.
Кездесу тағдыры соңғы кезеңде шешілді. Бірінші жиырма минутта алаң иелері минималды айырмашылықпен алға шықса, екінші кезеңде Дінмұхамед Қайыржан есепті теңестірді. Дегенмен уфалықтар үшінші кезеңде екі шайба соғып, ойынды өз пайдасына аяқтады.
Осылайша "Барыс" ҚХЛ-де үшінші ойын қатарынан жеңіліске ұшырады.
Елордалықтар келесі ойынын 12 қаңтарда Екатеринбургте "Автомобилистке" қарсы өткізеді.
