Лимада (Перу) өтіп жатқан жасөспірімдер мен юниорлар арасындағы ауыр атлетикадан әлем чемпионатында Қазақстан құрамасы бесінші медаль еншіледі.
Бұл жолғы жүлдені Ақмола облысының 16 жастағы өкілі Кира Данилова еншіледі. Әлемдік доданың дебютанты 71 келіге дейінгі салмақ дәрежесінде сынға түсіп, 209 келі (94 кг – жұлқа көтеру, 115 кг – серпе көтеру) нәтиже көрсетіп, қола медаль иеленді.
Қазақ қызынан жоғары нәтиже көрсеткендер – ресейлік Дарья Кузнецова (210 кг – 93+117) және чемпион атанған қытайлық Жинвей Лин (231 кг – 100+131). Бірақ бұл нәтиже Кира үшін үлкен жетістік. Себебі бұл – оның әлемдік деңгейдегі алғашқы жүлдесі.
Айта кету керек, Кира бұған дейін 2024 жылы жастар арасындағы Азия чемпионатында күміс медаль алған.
Қазір Қазақстан құрамасының қоржынында бес медаль бар:
