Қазақстан Ұлттық құрамасы XXXII жазғы Универсиада ойындарында алтыншы жүлде жеңіп алды. Бұл жолы ел қоржынына қола медальді таэквондошы Бейбарыс Қаблан салды.
87 келіге дейінгі салмақ дәрежесінде сынға түскен Бейбарыс Қаблан жартылай финалда Оңтүстік Корея өкіліне есе жіберіп, үшінші орынды қанағат тұтты. Десе де, бұл көрсеткіш – халықаралық аренада тағы бір маңызды жетістік.
Айта кетейік, бұл медаль Қазақстан құрамасының Универсиададағы алтыншы жүлдесі болып отыр. Барлығы да – қола.
2025 жылғы жазғы Универсиада 16 шілдеде басталып, 27 шілдеге дейін жалғасады. Жарыстар Германияның Рейн-Рур аймағында өтуде. Қазақстан құрамасы бұл дүбірлі додаға 12 спорт түрі бойынша 76 спортшыны аттандырған.
