Исламиада-2025: Өзбекстан атынан өнер көрсеткен қазақ балуыны қола жүлдеге ие болды
Грек-рим күресінен Өзбекстан құрамасы сапында өнер көрсететін этникалық қазақ балуаны Айтжан Қалмаханов Ислам ойындарында қола жүлдегер атанды.
Қандас спортшы Сауд Арабиясындағы турнирде жаңа салмаққа ауысып, 67 келіде сынға түсті. Осылайша ол өзінің спорттық мансабындағы кезекті айтулы жүлдесіне қол жеткізді. Айтжан қола жүлде үшін күресте Катар спортшысынан басым түсті.
Екі ай бұрын өзбекстандық балуан Хорватияда өткен әлем чемпионатында 63 келіде чемпион атанған болатын. Ол бұл біріншіліктің ширек финалында қазақстандық Ержет Жарылқасынды қапы қалдырды. Осылайша көрші елдегі қазақ балуаны Өзбекстан грек-рим күресіндегі тарихи алтынға қол жеткізді. Оған дейін аталған ел құрамасының классик балуандары әлем чемпионатынан 2001 жылы алтын медаль иеленген болатын.
Пікірлер
Пікір қалдыру уақытша жабық.
Әзірге пікір жоқ. Бірінші болыңыз.