Танымал файтер Арман Оспанов жаңа қызметке тағайындалды
Бұл туралы Шымкент қаласы күрес федерациясының баспасөз қызметі хабарлады.
Қазақстандық ММА ардагері Арман Оспанов Шымкент қаласының күрес федерациясында басшылық қызметке тағайындалды. Танымал файтер енді ұйымның вице-президенті қызметін атқарады. Бұл туралы федерацияның баспасөз қызметі хабарлады.
Арман Оспановтың спорттағы жетістіктері
Арман Оспанов жекпе-жек спортында Қазақстан атынан халықаралық деңгейде бірнеше рет топ жарған спортшы.
Ол жауынгерлік самбодан үш дүркін әлем чемпионы және үш дүркін Әлем кубогының иегері. Сондай-ақ бразилиялық джиу-джитсудан екі рет Азия чемпионы атанған.
Оспанов ұзақ жылдар бойы ММА аренасында да өнер көрсетіп, қазақстандық жанкүйерлерге кеңінен танылды.
ММА-дағы көрсеткіші қандай?
Арман Оспановтың кәсіпқой аралас жекпе-жектегі рекорды – 11 жеңіс және 5 жеңіліс.
Қазақстандық спортшы соңғы рет 2022 жылы октагонға шықты. Майамиде өткен EFC 44 турнирінде ол француз Дилан Сальвадормен кездесіп, жекпе-жекті мерзімінен бұрын жеңіліспен аяқтады.
Мансабы барысында Оспанов PFL, ACA, EFC және Alash Pride секілді танымал промоушендерде өнер көрсетті.
Пікірлер
Пікір қалдыру уақытша жабық.
Әзірге пікір жоқ. Бірінші болыңыз.