Ресейлік боксшылар Артур Бетербиев пен Дмитрий Биволдың Сауд Арабиясында өтетін жекпе-жегі басқа аренаға ауыстырылды. Бұл туралы IBA Pro бас директоры, промоутер Ал Сиеста мәлімдеді.
Алғашында кездесу Эр-Риядтағы 25 мың адамдық Kingdom Arena кешенінде өтуі тиіс болған. Бірақ ұйымдастырушылар жекпе-жекті 6 мың орындық ANB Arena-ға ауыстыруға шешім қабылдады.
"Атмосфераны жақсарту үшін біз жекпе-жекті көлемі шағын алаңға ауыстырдық, бұл жерде аншлаг болады", — деді Ал Сиеста.
Жартылай ауыр салмақта абсолютті әлем чемпионы атағы үшін жекпе-жек 22 ақпанда өтеді. Бетербиев пен Бивол алғаш рет 2024 жылдың қазан айында кездескен. Сол кездесуде Бетербиев төрешілердің шешімімен жеңіске жетті (114–114, 115–113, 116–112).
Артур Бетербиев – кәсіпқой бокста 21 жекпе-жек, 21 жеңіс (барлығы нокаутпен).
Дмитрий Бивол – 23 жеңіс, 1 жеңіліс.
