Мұхамеджан Сейсен Қуат Хамитовты бейтарап алаңда жекпе-жекке шақырды

Белгілі футбол блогері Артур Асқарұлы ұлттық құрама қақпашысына үнемі қазақ футболын төмендететін Қуат Хамитовқа не деуге болады деп сұрады.

Сейсен бейтарап алаңға шақырып, сайыс өткізуді ұсынды:

“Қараңыз, ол ММА жауынгері, мен футболшымын. Әрине, екеуміздің спортымыздан шығатын болсақ, тең түсеміз. Ол қазақ, біздің қазақ ағамыз. Бізде ұлттық спорт түрі бар – көкпар. Ол ағамды көкпарға шақырамын, бірге бір шығуға,” – деді Мұхамеджан Сейсен.

Қуат Хамитов жайлы

Қуат Хамитов — 1988 жылы 22 ақпанда туған, аралас жекпе-жек (MMA) шебері, «Найман» лақап атымен танымал, бойы шамамен 173 см, салмағы 70 кг, соңғы жылдары әлеуметтік желілерде белсенді болып, қазақ футболын жиі сынап жүрген спортшы.

Қуат қазақ футболының басты хейтері. Ұлттық құрама әр сәтсіздікке ұшыраған кезде, “Найман” футболды жабу туралы ұсыныс жасап, пікір қалдырып отырады. Солардың ішіндегі ең танымалы осылар:

• «Қазақстан футболының бірде-бір жеңісіне қуанбаймын… Халықтың ақшасын құртпай, өз күшімен жеңгенде ғана футболды сыйлай бастаймын!»
• «Қазақстандық футболшылар ерке қатындар сияқты, ондайлардан ешқандай нәтиже жоқ. Тек проблема тудырады»
• “Әуесқой командаға гол соғып, қуанып, мені белгілеп жатырсыңдар. Мен жалғыз өзім-ақ бұл командаға қарсы шығып, бәрін жеңе аламын! Осы ма сендердің жетістіктерің?!”.