Сенегал құрамасының ойыншыларына жер телімі берілді

Ойыншыларға қандай сыйақы қарастырылды?

SO FOOT мәліметінше, құраманың әр ойыншысына 1500 м² жер телімі (жағалаудағы курорт аймағынан) және қосымша шамамен 115 мың еуро мөлшерінде қаржылай сыйақы берілген.

Президент өз сөзінде футболшылардың тәртіп пен жауапкершілік танытқанын атап өтіп, әр “Львқа” 75 млн франк (шамамен 115 мың еуро) және Шағын Жағалаудан (Petite-Côte) 1500 м² бөлінгенін жеткізген.

Финал қалай аяқталды?

“Терранга арыстандары” атанып кеткен Сенегал құрамасы АҰК финалында турнир қожайыны Марокконы қосымша уақытта 1:0 есебімен жеңген. Бұл ойын төңірегінде дау да болғаны жазылды.

Мемлекет басшысы триумфқа үлес қосқан өзге тұлғаларды да назардан тыс қалдырмаған:

• Сенегал футбол федерациясының (FSF) шенеуніктеріне — 76 мың еуро және 1000 м² жер;
• делегацияның өзге мүшелеріне — 30,5 мың еуро және 500 м² жер;
• Спорт министрлігі қызметкерлеріне жалпы 465 мың еуро көлемінде бонус үлестірілмек.