Елена Рыбакинаның 2026 жылғы алғашқы матчы екі сетте аяқталды
Қазақстанның бірінші ракеткасы Елена Рыбакина Брисбендегі WTA 500 санатындағы турнирді бастады.
Рыбакина — Чжан Шуай матчы қалай өтті?
Қазақстандық теннисші екінші айналымда қытайлық Чжан Шуаймен (WTA — 79) кездесіп, матчты екі партияның қорытындысымен аяқтады — 6:3, 7:5.
Осы нәтижеден кейін Рыбакина 1/8 финалға шықты. Енді ол келесі кезеңде Мария Боузкова (WTA — 46) — Паула Бадоса (WTA — 25) жеңімпазымен кездеседі.
Турнирдің жүлде қоры мен ұпайлар
Биыл Брисбендегі WTA 500 турнирінің жалпы жүлде қоры 1 691 602 долларға тең.
Чемпион атанған теннисші 214 530 доллар табыс тауып, 500 рейтингтік ұпай алады.
Айта кетейік, турнирдің қазіргі чемпионы — әлемнің бірінші ракеткасы, Беларусь өкілі Арина Соболенко (WTA — 1).
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet