Ресейдің Хабаровск қаласында өтіп жатқан Константин Коротковты еске алуға арналған халықаралық турнирдің жартылай финалында Қазақстанның үмітті боксшысы Жандос Қыдыралиев рингке шықты.
63,5 келіге дейінгі салмақта сынға түскен Жандос финал жолдамасын Өзбекстан өкілі Абдулло Мадаминовпен сарапқа салды.
Үш раундқа созылған қызу айқаста төрешілер Абдулло Мадаминовтің қолын көтеріп, бірауыздан жеңіске жеткенін жариялады. Осылайша, Қыдыралиев жартылай финалда тоқтап, турнирдің қола жүлдегері атанды.
Айта кету керек, Жандос Қыдыралиев ширек финалда ресейлік Габил Мамедовпен кездесуі тиіс болған. Бірақ Мамедов жекпе-жектен бас тартып, Қыдыралиев жартылай финалға автоматты түрде өтті.
