Бангкокта өтіп жатқан дзюдодан Азия чемпионатында этникалық қазақ спортшы Айман Жеңіс тарихи жетістікке қол жеткізді.
21 жастағы Айман Жеңіс (ресми аты-жөні — Ayiman Jinesinuer) 78 келіден жоғары салмақ дәрежесінде финалдық белдесуде отандасын жеңіп, Азия чемпионы атанды. Финалда ол айқын басымдықпен қарсыласын тізе бүктіріп, өзінің мықтылығын тағы бір мәрте дәлелдеді.
Айман Жеңістің Азия чемпионатындағы жеңісі оның халықаралық аренадағы беделін нығайтып қана қоймай, этникалық қазақ спортшыларының әлемдік деңгейде үлкен жетістіктерге жетіп жатқанын тағы бір рет көрсетті.
