Thailand Open-2025 халықаралық турнирінің финалында қазақ дербиі өтті. Диас Молжігітов пен Қытай құрамасының этникалық қазақ өкілі Тоқтарбек Таңатхан 80 келіге дейінгі салмақ дәрежесінде алтын медаль үшін шаршы алаңда жолықты.
Тартысты өткен жекпе-жекте төрешілердің шешімімен 4:1 есебімен жеңіс Диас Молжігітовтің еншісіне жазылды. Осылайша ол аталмыш турнирдің чемпионы атанды, ал Тоқтарбек Таңатхан күміс жүлдеге ие болды.
Айта кетейік, Диас Молжігітов — 22 жасқа дейінгі Азия чемпионатының жеңімпазы, сондай-ақ ересектер арасындағы құрлықтық біріншіліктің күміс жүлдегері. Өз кезегінде Тоқтарбек Таңатхан да осал қарсылас емес. Ол 2023 жылғы әлем чемпионатының күміс иегері және 2022 жылғы Жазғы Азия ойындарының чемпионы.
