Ямайкалық кәсіпқой боксшы, үш салмақ дәрежесінде әлем чемпионы атанған Майк Маккаллум 68 жасында өмірден өтті. Ол бокс тарихында өз орнын ойып тұрып алған тұлға ретінде есте қалады.
Майк Маккаллум Лас-Вегастағы спортзалға бара жатқанда қайтыс болған. Жедел медициналық көмекке қарамастан аңыз спортшының өмірін аман алып қалу мүмкін болмады.
2003 жылы ол Халықаралық бокс Даңқ залына енгізілді. Кәсіпқой мансабында 55 жекпе-жек өткізген Маккаллум:
Оның техникалық дайындығы, дәлдігі мен төзімділігі жанкүйерлер мен сарапшылар тарапынан ерекше жоғары бағаланған.
Маккаллум үш түрлі салмақ дәрежесінде әлем чемпионы атанған санаулы боксшылардың бірі. Ол Дональд Карриді нокаутпен жеңді, Джеймс Тони, Стив Коллинз, Майкл Уотсон сынды мықтылармен есте қаларлық айқастар өткізді.
Ол ешқашан тым жарнамаланған жұлдыз болған жоқ, бірақ нағыз бокс мамандары оны "боксшылардың боксшысы" деп атаған.
Кәсіпқой спорттағы мансабын аяқтаған соң, Маккаллум Лас-Вегаста жаттықтырушы болып еңбек етті. Ол өз білгенін жас буынға үйретіп, бокс әлеміне өлшеусіз үлес қосты.
