Қазақстандық ауыр салмақтағы боксшы Сағындық Тоғамбай Нидерландының Эйндховен қаласындағы халықаралық турнирде рингке көтерілді.
90 келіге дейінгі салмақ дәрежесінде өткен ширек финалдық кездесуде Тоғамбай Босния және Герцеговина өкілі Дакай Альбонмен қолғап түйістірді. Қазақ боксшы екінші раундта-ақ қарсыласын нокаутқа жіберіп, жекпе-жекті мерзімінен бұрын аяқтады.
Бұл сенімді жеңіс Тоғамбайға жартылай финал жолдамасымен қатар кемінде қола медаль әперді. Ал қарсыласы Альбон жүлдесіз қалды.
Алдағы кезеңде Тоғамбай Өзбекстан боксшысы Турабек Хабибуллаевпен кездеседі.
