Ауыр салмақтағы боксшы Нұрлан Сапарбай беделді Eindhoven Box Cup халықаралық турнирін сәтті бастады.
90 келіден жоғары салмақ дәрежесінде өткен кездесуде Сапарбай Германия өкілі Мервель Биндамен қолғап түйістірді. Толық басымдық танытқан қазақстандық былғары қолғап шебері барлық төрешінің бірауызды шешімімен – 5:0 есебімен жеңіске жетті.
Айта кету керек, екінші раундта рефери Биндаға нокдаун санады. Бұл Нұрланның жекпе-жектегі үстемдігін айқын көрсетті.
Бұл жеңістің нәтижесінде Сапарбай турнирдің жартылай финалына өтті және кемінде қола жүлдені қамтамасыз етті. Ал неміс спортшысы жарысты жүлдесіз аяқтады.
