Абылайхан Жүсіпов Нидерландта өтіп жатқан беделді халықаралық Eindhoven Box Cup турнирінде кезекті жеңісіне жетті.
70 келі салмақ дәрежесінде сынға түскен Жүсіпов ширек финалда Германия өкілі Симон Ритпен қолғап түйістірді. Төрешілер бірауыздан қазақстандық спортшының басым екенін мойындап, 5:0 есебімен жеңісті берді.
Бұл нәтиже Абылайханның турнирдің жартылай финалына жолдама алуына мүмкіндік берді. Ол кем дегенде қола медальды қалтасына басты. Ал Симон Рит үшін бұл турнир осымен аяқталды.
Еске сала кетейік, Абылайхан Жүсіпов Эйндховен турниріндегі алғашқы кездесуінде литвалық Александр Трофимчукті айқын басымдықпен тізе бүктірген.
