Нидерландыдағы турнир: Қазақ боксшысы нокаутпен финалға жолдама алды
Қазақстандық жас боксшы Даниял Сәбит Нидерландыда өтіп жатқан Eindhoven Box Cup турнирінің жартылай финалында нокаутпен жеңіске жетіп, алтын үшін таласуға мүмкіндік алды.
Eindhoven Box Cup турниріннде 50 кг дейінгі салмақта өнер көрсететін Даниял Сәбит Бельгия өкілі Редуан Ассаимен қолғап түйістірді. Жекпе-жек мерзімінен бұрын Даниялдың жеңісімен аяқталды.
Қазақстандық боксшының соққылары қарсыласын есінен тандырып, төреші жекпе-жекті тоқтатуға мәжбүр болды. Осылайша Сәбит финалға жолдама алып, алтын жүлдеге үміткер атанды. Ал Ассаи турнирді қола медальмен аяқтады.
Сәбиттің жетістіктері қандай?
Даниял Сәбит – Азия чемпионатының күміс жүлдегері. Ол бұл жетістікке 2021 жылы, небәрі 18 жасында қол жеткізген Қазір халықаралық аренада ел атын шығарып жүрген болашағы зор жас спортшы.