2012 жылғы Лондон Олимпиадасының қола жүлдегері, кәсіпқой бокста жеңіліп көрмеген украиналық Тарас Шелестюк (20–0–1, 12 KO) ұзақ үзілістен кейін рингке оралып, жарқын жеңіске жетті.
АҚШ-тың Шривпорт қаласындағы жекпе-жек бірінші орта салмақта өтті. 39 жастағы Шелестюк жергілікті тәжірибелі боксшы Роддрикус Ливсиді (12–5–1, 9 KO) екінші раундта ауыр нокаутқа түсіріп, мықты формасын дәлелдеді.
Жекпе-жектің екінші раундында украиналық боксшы қарсыласын арқанға тақап, денеге бірнеше жойқын соққы бағыттады. Аз ғана кідірістен кейін ол сол жақ хукті тура қарсыласының иегіне дәл тигізіп, америкалықты есінен тандырды. Төреші бірден жекпе-жекті тоқтатуға мәжбүр болды.
