Аса ауыр салмақта өнер көрсететін Александр Усик кезекті мәрте абсолютті чемпиондық атаққа ұмтылмақ. Ол IBF тұжырымы бойынша уақытша әлем чемпионы атағына ие Даниэль Дюбуаға қарсы реванштық жекпе-жекке шығады. Кездесу 19 шілде күні Лондондағы әйгілі “Уэмбли” стадионында өтеді.
2023 жылдың тамызында өткен алғашқы кездесуде Усик тоғызыншы раундта техникалық нокаутпен жеңіске жеткен еді. Алайда сол жекпе-жекте бесінші раундтағы бір сәт көпшіліктің есінде қалды: Дюбуа Усиктің бел тұсына соққы жасап, украиналық боксшы бірнеше минут бойы қалпына келуге мәжбүр болған.
Бір ракурстан соққы шапқа тиді деп бағаланса, екінші жағынан — бел сызығының дәл үстіне түскендей көрінді.
Сол жекпе-жекте төреші Луис Пабон Дюбуаға ұпайдан айырмастан Усику 5 минут қалпына келуге мүмкіндік берді. Кейін украиналық боксшы шабуылын үдетіп, сегізінші раундта нокдаун, тоғызыншы раундта тоқтаусыз соққымен жекпе-жекті аяқтаған.
Жекпе-жектен кейін Дюбуа мен оның промоутері Фрэнк Уоррен төрешілер шешіміне наразы болып, WBA ұйымына апелляция тапсырған, алайда ол қабылданбады.
“Бұл соққы ереже бұзу емес еді. Мені алдап, жеңістен айырды!” – деп мәлімдеген болатын Дюбуа.
Сол жеңілістен кейін Дюбуа карьерасын қайта жүктеп, 2023 жылдың желтоқсанында 151 келілік Джаррелл Миллерді нокаутқа түсірді. Ал 2024 жылы маусымда жеңіліп көрмеген Филип Хрговичті мерзімінен бұрын жеңіп, IBF белбеуінің уақытша иегері атанды.
UFC экс-чемпионы Алекс Перейрамен кездесуді жоспарлап жүрген Усик өзінің соңғы екі жекпе-жегінің бірін дәл осы Дюбуаға қарсы өткізбек.
2024 жылдың желтоқсанында Усик Фьюриді реваншта жеңгеннен кейін Дюбуа рингке көтеріліп, ресми шақыру тастады, Усик келісімін берді.
2025 жылдың басында Дюбуа Джозеф Паркермен жекпе-жекке шығуы тиіс еді, алайда сырқатына байланысты жекпе-жектен бас тартты.
Бұл үзіліс Усикпен реванш келіссөздерін жылдамдатты.
IBF бұл арада Дерек Чисораны міндетті қарсылас етіп бекітпек болды, бірақ Усик пен Дюбуа 19 шілдеге жекпе-жекті ресми түрде бекітті.
