Шымкент қаласында өткен Alash Pride 110 турнирінің кешкі басты айқасында қазақстандық ММА жауынгері Асылжан Таскет (8-2-1) қырғызстандық Нұрсұлтан Мадосмоновпен (6-2) күш сынасты.
Бұл кездесу бес раундқа жоспарланған болатын. Жекпе-жекте Alash Pride лигасының жартылай жеңіл салмақтағы чемпиондық белбеуі сарапқа салынды.
Екінші раундта Таскет қарсыласын жойқын соққымен нокаутқа түсіріп, айқасты мерзімінен бұрын аяқтады. Ұйым өкілдері бұл нокаутты "жылдың ең әсерлі соққысы" деп атады.
Видео сәтін төменде көруге болады.
Осылайша Асылжан Таскет кәсіби ММА-дегі 9-жеңісіне қол жеткізді және Alash Pride лигасының жаңа чемпионы атанды.
Нұрсұлтан Мадосмонов үшін бұл айқастағы жеңіліс оның мансабындағы үшінші сәтсіздік болып тіркелді.
