Ауыр салмақтағы қазақстандық боксшы, Олимпиаданың екі дүркін қола жүлдегері Иван Дычко АҚШ-та өтетін жылдың ең ірі бокс кешіне қатысады.
Дычко UFC сайтына берген сұхбатында өзінің физикалық және психологиялық дайындығы туралы ойын айтты.
«Маған үлкен арена, жанкүйерлердің ыстық ықыласы ұнайды. Бірақ мен үшін ең маңыздысы – рингтегі өнерім. Бұл жай ғана кезекті жекпе-жек. Қазір менің нағыз шарықтау сәтім. Өзімді физикалық та, менталды тұрғыдан да жақсы сезініп отырмын», – деді Иван Дычко.
Дычко соңғы рет рингке шілде айында шығып, америкалық Самуэль Кроссдуды алғашқы раундта нокаутпен жеңген болатын. Бұл жеңіс оның қазіргі дайындығы мен тәжірибесін тағы бір мәрте дәлелдеді.
13 қыркүйекте Лас-Вегаста (АҚШ) өтетін турнирде басты жекпе-жек Сауль «Канело» Альварес пен Теренс Кроуфорд арасында өтпек. Осы кештің кардасында Дычко да шаршы алаңға шығады.
Айта кетейік, Иван Дычко – әлі күнге дейін өзбекстандық әлем чемпионы Баходир Джалоловқа әуесқой рингте жол бермеген жалғыз қазақстандық боксшы. Үш кездесу де Дычконың пайдасына шешілген.
