Қазақстандық жас боксшы Тимур Баситов (5-0, 4 KO) Таиланд астанасы Бангкокта өткен кәсіпқой бокс кешінде кезекті жеңісіне жетті.
Оның қарсыласы 32 жастағы тәжірибелі танзаниялық боксшы Бонифаций Сагуда (10-3, 9 KO) болды. Африкалық спортшының кәсіби рингте 9 нокауттық жеңісі болғанына қарамастан ол жас қазақстандықтың шабуылына қарсы тұра алмады.
Баситов жекпе-жектің толық тізгінін өз қолына алып, екінші раундта қарсыласын жойқын оң қол апперкотымен нокаутқа жіберді. Бұл сәт қазақстандық жанкүйерлер үшін есте қаларлық оқиғаға айналды.
Бұл Тимур Баситовтың кәсіби мансабындағы бесінші жеңісі болды. Оның төртеуін мерзімінен бұрын, нокаутпен аяқтады. Бонифаций Сагуда үшін бұл жеңіліс үшінші рет тіркелді.
