Белгілі қазақстандық боксшы, әлем чемпионы Асланбек Шымбергенов 2025 жылғы Қазақстан чемпионатына қатыспайтынын хабарлады.
Бұл туралы спорт журналисі Аян Төлеген өзінің Telegram-арнасында жазды.
«Өкінішке қарай, түрлі себептерге байланысты әлем чемпионы Асланбек Шымбергенов турнирге қатыспайды», – деп жазды Төлеген.
Бүгін Семей қаласында 2025 жылғы Қазақстан чемпионатының жеребесі тартылды. Дәл осы жарыстың нәтижелері бойынша 2026 жылғы ұлттық құраманың құрамы жасақталмақ.
Ережеге сәйкес, тек Ливерпульде өткен World Boxing әлем чемпионатының жүлдегерлері ғана бұл турнирден босатылған.
Бұған дейін Шымбергенов ұлттық құраманың сапына қайта қосылғысы келетінін және ел чемпионатына қатысу ниетін білдірген еді.
Асланбек Шымбергенов соңғы жылдары өзбек боксшыларымен жекпе-жектерінде үнемі жеңіске жетіп, жанкүйерлер арасында «Өзбек боксшыларының қорқынышы» (немесе «кошмар») деген бейресми атауға ие болған.
Оның жекпе-жектері әрдайым жоғары қарқынмен және эмоцияға толы өтеді, сондықтан да жанкүйерлер Шымбергеновтің келесі қадамдарын қызығушылықпен күтеді.
