Қарағанды облысының намысын қорғап жүрген әйгілі боксшы, Азия чемпионы Абылайхан Жүсіпов Қазақстан чемпионатының ширек финалында сенімді жеңіске жетті.
70 келіге дейінгі салмақ дәрежесінде өнер көрсеткен Жүсіпов Маңғыстау облысының боксшысы Ағажан Қадырмен кездесіп, айқын басымдықпен жеңіске жетті. Төрешілердің бірауызды шешімімен (5:0) Абылайхан келесі кезеңге өтті.
Бұл жеңіс Жүсіповке кем дегенде қола медальді қамтамасыз етті.
Былтыр Абылайхан Жүсіпов Таиландтың Чиангмай қаласындағы Азия чемпионатында (ASBC) алтын жүлде иемденді. Сондай-ақ, ол әлем чемпионатының үш дүркін қола жүлдегері саналады.
