АҚШ-тың атақты боксшысы, бұрынғы әлем чемпионы Дэнни Гарсия (38-4, 22 КО) өз мансабындағы соңғы жекпе-жегін керемет жеңіспен аяқтады.
Бірінші орта салмақтағы (69,9 кг дейін) кездесуде Гарсия өз отандасы Даниэль Гонсалесті (22-5-1, 7 КО) төртінші раундта нокаутқа жіберді. Бұл – оның 2019 жылдан бергі алғашқы мерзімінен бұрынғы жеңісі.
Жанкүйерлер көптен күткен сол қол хукін Гарсия дәл сәтінде іске асырып, қарсыласын есеңгіретті. Төреші санаған соң, айқас тоқтатылды — Гарсия КО 4.
Залдағы жанкүйерлер сүйікті боксшысының мансабын дәл осылай аяқтайды деп күтпеген еді. Гарсия өзінің жылдар бойы қалыптасқан техникасын және соққының дәлдігін соңғы рет тамаша көрсетті.
Бұл нокаут спорт жанкүйерлерінің жадында ұзақ сақталары сөзсіз.
Алайда бокс шолушылары Гарсияның шын мәнінде мансабын аяқтайтынына күмәнмен қарайды. Сарапшылардың пікірінше, лайықты қарсылас пен тиімді ұсыныс түссе, Дэнни Гарсия қайтадан рингке оралуы мүмкін.
