Соңғы жекпе-жегін қазақстандық файтер 2024 жылы, желтоқсан айында өткізген еді.
UFC жартылай орта салмақ дәрежесіндегі америкалық файтер Шон Брэди бұрынғы чемпион Камару Усман ресейлік Ислам Махачевпен титулдық жекпе-жекке лайық емес деп санайды.
Брэдидің пайымдауынша, Усман үшін ең тиімді келесі қарсылас рейтингте үшінші тұрған қазақстандық Шавкат Рахмонов болмақ.
"Камару қатарынан үш жекпе-жекте жеңілді және Баклиді ұтты. Менің ойымша, Махачев оны оңай жеңеді. Моралес мықты, ол күшті файтер. Ол Исламға ең көп қиындық туғызады. Ал Усман Камару Шавкатпен айқассын", — деді Шон bradyBagz подкастында.
Еске салсақ, Шавкат Рахмонов ұзақ үзілістен кейін октагонға оралуға дайындалып жатыр. Үзіліс жарақат пен отадан кейінгі реабилитацияға байланысты болған.
