Орта салмақта (middleweight) Жәнібек Әлімханұлы жұдырықтасатын салмақта өткен титулды жекпе-жекте польшалық боксшы Кароль Вельтер (20–1, 8 КО) неміс Мисто Абдулаевты (11–2, 10 КО) техникалық нокаутпен жеңіп, WBA Baltic чемпиондық белбеуін иеленді.
Польшаның Вроцлав қаласында өткен бокс кешінде 30 жастағы Кароль Вельтер рингте қарсыласынан айқын мықты екенін көрсетті.
Жекпе-жек барысында ол 35 жастағы Мисто Абдулаевты үш рет нокдаунға жіберді. Төреші төртінші раундта айқасты тоқтатты. Нәтижесінде Вельтерге техникалық нокаут (ТКО) арқылы жеңіс жазылып, жаңа чемпиондық белбеу табысталды.
Осылайша польшалық боксшы өз рекордын 20 жеңіске (8 нокаут) жеткізсе, Абдулаевтың жеңілістер саны екінші рет толықты.
Аталған белбеу әлемдік белбеу емес, аймақтық атақ болғанымен ол орта салмақтағы бәсекенің қаншалықты қарқынды екенін тағы бір мәрте көрсетті. Дәл осы салмақта жеңіліс көрмеген қазақстандық боксшы Жәнібек Әлімханұлы (17–0, 12 КО) өнер көрсетеді. Ол қазір WBO нұсқасы бойынша әлем чемпионы, IBF нұсқасы бойынша да әлем чемпионы атақтарын біріктірген.
Орта салмақта жаңа чемпиондық аймақтық белбеулердің пайда болуы, жаңа есімдердің шығуы – болашақта Әлімханұлы үшін потенциалды қарсыластар шеңберін де кеңейтеді.
