Дубайда өтіп жатқан IBA нұсқасы бойынша бокстан әлем чемпионатында 92 келіден жоғары салмақ дәрежесінде Нұрлан Сапарбай ширек финалға жолдама алды.
Осы кезеңдегі жекпе-жекте Нұрланның қарсыласы ирандық Иман Раамезанпурделвар болды. Кездесу жоғары қарқынмен өтіп, екі боксшы да шабуылда белсенді көрінді. Соған қарамастан қазақстандық ринг ортасын иемденіп, алғаш раундтардан-ақ бастаманы өз қолына алды.
Сапарбай қарсыласына өз ырғағын таңып, қашықтықты сәтті бақылап отырды. Үш раунд бойы Нұрланның дәл соққылары мен тактикалық басымдығы анық байқалды. Нәтижесінде қазылар алқасы шешімді бірауыздан қазақстандық боксшысының пайдасына шығарып, жекпе-жек 4:1 есебімен Сапарбайдың жеңісімен аяқталды.
Осылайша Нұрлан Сапарбай Дубайдағы әлем чемпионатының ширек финалына шығып, медаль үшін тартысын жалғастырады. Аса ауыр салмақтағы бұл жеңіс қазақстандық бокстың халықаралық аренадағы беделін тағы да айқындай түсті.
Айта кетейік, БАӘ-де өтіп жатқан бұл әлем чемпионаты Халықаралық бокс қауымдастығының (IBA) аясында ұйымдастырылуда. Алайда IBA-ның мәртебесін Халықаралық олимпиада комитеті (ХОК) ресми түрде мойындамаған. Соған қарамастан Дубайдағы додада әлемнің мықты боксшылары жиналып, әр салмақта қызу бәсеке өтіп жатыр.
