Дубайда өтіп жатқан IBA нұсқасы бойынша бокстан 2025 жылғы әлем чемпионатында Теміртас Жүсіпов тағы бір сенімді жеңісіне жетті. Ол 48 келіге дейінгі салмақ дәрежесінде үндістандық Девендра Сингх Соланкиден басым түсті.
Теміртас 1/8 финалдық айқаста тәжірибелі боксшыға тән салқынқанды қалыпта шықты. Кездесу басынан-ақ қазақстандық боксшы қашықтықты сауатты ұстап, қарсыласына өз қарқынын көрсетті.
Теміртас үш раунд бойы бастаманы қолдан шығарған жоқ. Дәл және жойқын соққыларымен Соланкиді қыспақта ұстады. Тактикалық тұрғыдан қарсыласын толық зерттеп шыққаны байқалды.
Нәтижесінде қазылар алқасы жеңісті Теміртас Жүсіповтің пайдасына тіркеді. Осылайша қазақстандық боксшы Дубайдағы әлем чемпионатында жүлде үшін күресін жалғастырады.
37 жастағы Теміртас Жүсіпов – қазақстандық әуесқой бокстың ең тәжірибелі және табысты спортшыларының бірі. Ол өзінің мансабында бірнеше мәрте ірі жарыстардың шыңын бағындырған: