Сәкен Бибосынов ӘЧ-2025 жартылай финалына жолдама алды (ВИДЕО)
Дубайда (БАӘ) өтіп жатқан IBA нұсқасы бойынша бокстан әлем чемпионатында Олимпиада жүлдегері Сәкен Бибосынов кезекті рет өз класын дәлелдеді.
Жүйкені жұқартқан ширек финал
54 келіге дейінгі салмақ дәрежесінде сынға түсіп жүрген Сәкен Бибосынов ширек финалда Замбия боксшысы Мвенго Мвалемен қолғап түйістірді.
Жекпе-жек өте шиеленісті өтті екі боксшы да бір қадам да кейін шегінбей, қысыммен жұмыс істеді. Раундтар барысында бастама алма-кезек ауысып отырды. Шешуші сәттерде тәжірибе мен салқынқанды мінез өз сөзін айтты.
Соңында рингтегі басымдықты өз жағына аударған қазақстандық боксшы қазылар шешімімен 5:0 есебімен жеңіске жетіп, әлем чемпионатының жартылай финалына жолдама алды.
Олимпиада жүлдегері мен әлем чемпионының жолы
Сәкен Бибосынов – қазақстандық бокстың соңғы жылдардағы ең тұрақты әрі жоғары нәтижелер көрсетіп келе жатқан спортшыларының бірі. Оның басты жетістіктері:
- Токио-2020 Олимпиадасының қола жүлдегері;
- 2021 жылғы Азия чемпионатының қола жүлдегері;
- 2022 жылғы Азия чемпионатының күміс жүлдегері.