Қазақстан құрамасының тәжірибелі былғары қолғап шебері Теміртас Жүсіпов Дубайда (БАӘ) өтіп жатқан IBA нұсқасы бойынша 2025 жылғы әлем чемпионатында жартылай финалға шықты.
48 келіге дейінгі салмақ дәрежесінде өнер көрсететін Теміртас Жүсіпов әлем чемпионатының ширек финалында Непал боксшысы Лал Прасад Упретимен қолғап түйістірді. Үш раундқа созылған айқаста қазақстандық боксшы рингтегі басымдығын толық дәлелдеп, қарсыласына еш мүмкіндік берген жоқ.
Барлық үш раундта да үстемдік көрсетті. Тактикалық тұрғыда да, жылдамдық және қозғалыс жағынан да басым болды. Нәтижесінде қазылар алқасы бірауыздан 5:0 есебімен жеңісті Жүсіповке берді.
Осылайша Теміртас Жүсіпов өз салмағында ӘЧ-2025 жартылай финалына жолдама алып, Қазақстанға әлем чемпионатындағы алғашқы финалдық кезеңге шығу мүмкіндігін сыйлады.
Теміртас Жүсіпов – қазақстандық әуесқой бокс тарихындағы ең тәжірибелі спортшылардың бірі. Оның жетістіктер тізімі әсерлі:
IBA ұйымдастырған бокстан 2025 жылғы әлем чемпионаты 3 желтоқсанда басталды, ал жарыс 13 желтоқсанда аяқталады. Турнир Дубайда өтіп жатыр және жарыстың жалпы жүлде қоры 8,32 миллион доллар.
