Отандасымыздың Карлос Адамеспен айқасы жуырда өтуі керек еді.
Доминиканалық боксшы, орта салмақтағы WBC әлем чемпионы Карлос Адамес (24-1-1, 18 KO) 31 қаңтарда титулын кезекті рет қорғайды.
Белгілі инсайдер Broadway Joel таратқан ақпаратқа сәйкес, Адамес келесі жекпе-жегін АҚШ боксшысы Остин Уильямсқа (19-1, 13 KO) қарсы өткізеді.
Кездесу Теофимо Лопес — Шакур Стивенсон бокс кешінің андеркардында, Нью-Йорктегі әйгілі Madison Square Garden аренасында өтеді.
Айта кетейік, бұған дейін WBC Карлос Адамеске қазақстандық Мейірім Нұрсұлтановпен (20-0, 11 KO) міндетті титулдық жекпе-жек өткізуді тапсырған болатын. Нұрсұлтанов өзіне тиесілі титулдық мүмкіндікке 2023 жылдан бері кезек күтіп жүр. Сол уақыттан бері қазақстандық боксшы бірде-бір жекпе-жекке шыққан жоқ.
Адаместің Уильямспен жұдырықтасу туралы шешімі Мейірім Нұрсұлтановтың чемпиондық айқасын тағы да кейінге қалдырды. Қазақстандық боксшының титул үшін қашан рингке оралатыны әзірге белгісіз.
