Сәкен Бибосынов қарсыласына ешқандай мүмкіндік қалдырған жоқ (ВИДЕО)

54 келіге дейінгі салмақта шаршы алаңға көтерілген Бибосыновтың қарсыласы Непал боксшысы Тапа Чандра Бахадур болды. Токио-2020 Олимпиадасының қола жүлдегері саналатын қазақстандық боксшы жекпе-жекті бірінші раундтан бастап толық бақылауда ұстап, қарсыласына ешқандай басымдық бермеді.

Төрешілер шешімі де соны дәлелдеді. Барлық бес қазы жекпе-жекті 5:0 есебімен Бибосыновтың пайдасына бағалады.

Осы жеңістің арқасында Сәкен Бибосынов әлем чемпионатының финалына жолдама алды. Шешуші жекпе-жекте ол Ресей боксшысы Вячеслав Рогозинмен қолғап түйістіреді.

Сәкеннің халықаралық аренадағы жетістіктері:

• Олимпиада ойындарының қола жүлдегері (2020);
• Әлем чемпионатының қола жүлдегері (2019);
• Әлем чемпионы (2021).

Енді ол өзінің рекордтарына тағы бір әлем чемпионы атағын қосуды көздеп отыр.