Қазақстан ерлер құрамасының 2026 жылғы алғашқы оқу-жаттығу жиынына қатысатын боксшылар тізімі белгілі болды. Қазақстан бокс федерациясы баспасөз қызметі ұсынған мәліметке сәйкес, команда Испаниядағы дайындыққа салмақ дәрежелері бойынша бірнеше көшбасшыны қосты.
25 қаңтар мен 2 ақпан аралығында қазақстандық былғары қолғап шеберлері Бенидормда (Испания) бірлескен оқу-жаттығу жиынын өткізеді. Ал одан кейін 3–8 ақпан күндері команда Ла-Нусияда өтетін халықаралық Boxam Elite турниріне қатысады.
Бұл жарыс жаңа бас бапкер Нұржан Насановтың жетекшілігімен өтетін алғашқы ресми бәсеке болмақ. Демек Boxam Elite турнирі тек медаль үшін емес, сондай-ақ жаңарған бапкерлік штабтың тактикасы мен құрамдағы ротацияны байқап көруге арналған маңызды кезең.
