Қазақстанның атақты балуаны байрақты турнирдің финалында қырғызстандықты ойсырата жеңді

Финалдағы айқын басымдық

Бақбергенова 72 кг салмақ дәрежесінің финалыда қырғызстандық Нұрзат Нұртаевамен белдесті. Ол қарсыласын толық бақылауда ұстап, кездесуді 14:3 есебімен аяқтады. Бұл нәтиже қазақстандық балуанның турнир бойы жоғары қарқынмен күрескенін тағы бір дәлелдеді.

Жәмила финалға дейін бірнеше мықты қарсыласты артта қалдырды. Олар:

Топтық кезең (В тобы):

• Польша спортшысы Виктория Чолуй — 4:3
• Түркия өкілі Бусе Джавушоглу Тосун — 6:1

Жартылай финал:

• Үндістандық Дикша Малик — 10:0

Бақбергенованың жетістіктері

Еске сала кетейік, Жәмила Бақбергенова — әлемдік деңгейде нәтижелі өнер көрсетіп жүрген тәжірибелі балуан. Ол әлем чемпионаттарының бірнеше дүркін жүлдегері, 2022 жылғы Азия ойындарының күміс жүлдегері және Азияның төрт дүркін чемпионы.