Рингке шықпаған Өзбекстан және жылдам нокаут. Қазақстан "Странджа кубогы" финалы үшін қалай шайқасты

Жартылай финалда Қазақстан атынан 8 боксшы жұдырықтасты: ерлер арасында Даниял Сәбит (50 кг) пен Фарух Тоқтасынов (70 кг), әйелдер арасында Әнел Сақыш (54 кг), Элина Базарова (54 кг), Лаура Есенкелді (65 кг), Валентина Хальзова (75 кг), Валерия Аксенова (80+ кг) және Дина Исламбекова (80+ кг).

Ерлер нәтижесі

• 50 кг: Даниял Сәбит — Асилбек Жалилов (Өзбекстан)

Қарсылас жекпе-жекке шықпағандықтан Сәбит финалға өтті. 

• 70 кг: Фарух Тощтасынов — Шавкатжон Болтаев (Өзбекстан)

Тоқтасынов финал жолдамасын алды. Қарсыласы рингке көтерілмеді.

Әйелдер нәтижесі

• 54 кг: Элина Базарова — Әнел Сақыш

Базарова жеңді — 3:2.

Қазақстан құрамасы ішінде болған тартысты айқаста төрешілер шешімі аз айырмашылықпен Базарова жағына шықты.

• 65 кг: Лаура Есенкелді — Грейн Уолш (Ирландия)

Есенгельды жеңді — 4:1.

Лаура сенімді бокс көрсетіп, финалға жолдама алды.

• 75 кг: Валентина Хальзова — Эмма-Сью Гринтри (Австралия)

Хальзова жеңілді — 1:4.

Бұл салмақта Қазақстан құрамасы финалға шыға алмады.

• 80+ кг: Валерия Аксенова — Алейна Мехмед (Болгария)

Аксенова бірінші раундта нокаутпен жеңді. 

Кездесу ұзаққа созылған жоқ — қазақстандық былғары қолғап шебері қарсыласын ерте тоқтатты.

• 80+ кг: Дина Исламбекова — Олтиной Сотимбоева (Өзбекстан)

Исламбекова ұтылды — 2:3.

Өте тең өткен жекпе-жекте есеп айырмасы минималды болды.

Айта кетейік, Қазақстан құрамасы турнирдің жеребесі өткен сәтте-ақ тағы бір финалистке ие болды. Надежда Рябец (80 кг) финалдағы орнын алдын ала кепілдендіріп қойды.