Софияда өтіп жатқан беделді "Странджа" халықаралық турнирінде қазақстандық боксшы Даниял Сәбит финалға шықты. Бұл жарыс бокста жиі "шағын әлем чемпионаты" деп аталады.
Сәбит 50 келіге дейінгі салмақ дәрежесінің жартылай финалында Өзбекстан құрамасының өкілі, Азия чемпионы Асилбек Жалиловпен қолғап түйістіруі тиіс еді. Алайда өзбек боксшысы жарақатына байланысты жекпе-жекке шықпады.
Осыған байланысты Даниял Сәбит финалға автоматты түрде өтті және енді турнирдің алтын медаліне таласады. Ал Асилбек Жалилов жарысты қола жүлдемен аяқтады.
Айта кетейік, бүгін турнирдің кешкі бағдарламасында Қазақстан атынан тағы бір боксшы рингке көтеріледі.
Фарух Тоқтасынов (70 кг) өзбекстандық боксшы Шавкатжон Болтаевқа қарсы жұдырықтасады.
