Странджа кубогы-2026: алтын жүлдеге алты қазақстандық таласпақ

Бүгін, 1 наурыз күні, Софияда (Болгария) бокстан халықаралық "Странджа кубогы" турнирінің финалдық жекпе-жектері өтеді.

Жарыстың алтын жүлдесі үшін Қазақстанның алты өкілі шаршы алаңға шығады. Барлық жекпе-жектер күндізгі сессия аясында өтеді, оның басталуы Астана уақытымен 17:00-ге жоспарланған.

1 наурыз күні "Странджа кубогы" финалында өнер көрсететін қазақстандық боксшылардың жекпе-жектер тізімі:

Күндізгі сессия (17:00)

• 2-жұп. 54 кг. Әйелдер. Элина Базарова — Лорен Макки (Англия)
• 5-жұп. 65 кг. Әйелдер. Лаура Есенкелді — Навбахор Хамидова (Өзбекстан)
• 8-жұп. 80 кг. Әйелдер. Надежда Рябец — Ярен Дузтас (Түркия)
• 9-жұп. 80+ кг. Әйелдер. Валерия Аксенова — Олтиной Сотимбоева (Өзбекстан)
• 11-жұп. 50 кг. Ерлер. Даниял Сәбит — Билалхабаши Назаров (Әзербайжан)
• 15-жұп. 70 кг. Ерлер. Фарух Тоқтасынов — Лавант Броунли (АҚШ)

Айта кетейік, "Странджа кубогы" турнирі "кіші әлем чемпионаты" деп те аталады және Еуропадағы ең көне бокс жарысы саналады. 2026 жылы бұл турнир 77-рет ұйымдастырылып отыр. Биылғы додаға Қазақстаннан 39 боксшы қатысқан болатын, алайда олардың тек алтауы ғана финалға жолдама алды.