Бір дзюдошымыз финалдық кезеңге шыққанымен, шешуші белдесуде сүрініп, медальге қолжеткізе алмады.
Дзюдодан Қазақстан ұлттық құрамасы Өзбекстан астанасында өткен Grand Slam Tashkent турнирін сәтсіз аяқтады. Дзюдошылар бірде-бір медаль иелене алмады. Команда сапынан финалдық блокқа тек бір спортшы шықты.
100 келіден жоғары салмақ дәрежесінде сынға түскен Ерасыл Қажыбаев шешуші кезеңге дейін жетті. Алайда қола медаль үшін белдесуде ол Әзербайжан өкілі Джамал Гамзатхановқа жол берді.
Осылайша қазақстандық ауыр салмақтағы балуан жүлдегерлер қатарына ене алмады.
Қазақстандық дзюдошылар үшін келесі халықаралық жарыс 6–8 наурыз аралығында Австрияда өтетін Гран-при кезеңі болмақ.
