Қазақстанда Марсель мен Бобурдың үміткерлік жекпе-жегі өтеді
Қазақстандық Octagon лигасы қырғызстандық файтер Марсель Нурланбек уулу мен өзбекстандық Бобур Абдулазизов арасындағы маңызды кездесуді ресми түрде анонстады.
Жекпе-жек қашан және қайда өтеді?
Марсель Нурланбек уулу мен Бобур Абдулазизов арасындағы кездесу 27 маусым күні Қонаев қаласындағы ASP Arena кешенінде Octagon 88 турнирі аясында ұйымдастырылады.
Бұл қарсыласу Octagon лигасының BMF белбеуіне үміткерді анықтайтын маңызды жекпе-жек болмақ.
Марсель Нурланбек уулу соңғы жекпе-жегінде жеңіске жетті
Қырғызстандық ММА файтері Марсель Нурланбек уулу соңғы рет 28 наурызда Ереванда Hype FC 28 турнирінде өнер көрсетті.
Кештің басты жекпе-жегінде қазақстандық файтер әрі актер Еркебұлан Тоқтармен кездесті. Айқас бокс ережесі бойынша шағын ММА қолғаптарымен өтті. Нәтижесінде Марсель төрешілердің бірауызды шешімімен жеңіске жетті.
Қазір Марсельдің кәсіби рекорды – 14 жеңіс, 0 жеңіліс.
Бобур Абдулазизов соңғы айқасында жеңіліп қалды
Өзбекстандық Бобур Абдулазизов соңғы рет 11 сәуірде Алматыда IBA Nomad 14 турнирінде шаршы алаңға шықты. Ол қазақстандық файтер Қанат “Канский фестиваль” Құлмағанбетовке қарсы жұдырықтасу ережесі бойынша кездесу өткізді. Бұл жекпе-жек Бобур үшін сәтсіз аяқталып, ол бірінші раундта техникалық нокаутпен жеңіліп қалды.
Бобурдың кәсіби көрсеткіші - 23 жеңіс, 12 жеңіліс.