Баходир Жалолов Британияда жеңісті сериясын жалғастырды
Өзбекстандық боксшы Лондонда Ұлыбритания өкілі Соломон Дакреске қарсы рингке шыққан болатын.
Өзбекстандық екі дүркін Олимпиада чемпионы Баходир Жалолов кәсіпқой бокстағы жеңіліссіз сериясын жалғастырды.
Ауыр салмақта өнер көрсететін боксшы Лондондағы O2 аренасында Ұлыбритания өкілі Соломон Дакреспен кездесіп, төрешілердің бірауыздан шығарған шешімімен жеңіске жетті.
Жекпе-жек он раундқа созылды
Кездесу толық он раундқа созылды. Жалолов айқас барысында басымдық танытып, бесінші раундта Дакресті нокдаунға түсірді.
Британдық боксшы орнынан тұрып, жекпе-жекті жалғастырғанымен, қалған раундтарда да Жалолов басымдығын сақтап қалды.
Он раундтың қорытындысы бойынша төрешілер жеңісті өзбекстандық былғары қолғап шеберіне берді:
- 99:90;
- 99:90;
- 99:91
Айта кетейік, айқас Даниэль Дюбуа мен Фабио Уордли арасындағы ауыр салмақтағы титулдық реванштың андеркардында өтті.