WBO Asia атағы иегері Балауса Мұздыман келесі жекпе-жегінің мерзімін білді.
Балауса жекпе-жекті 20 желтоқсанда Астанада Fight Night турнирі аясында өткізеді. Оның қарсыласы жеңілістің ащы дәмін татып көрмеген үндістандық Та ну Деви болады.
Кештің басты оқиғасы колумбиялық нокаутшы Марлон Агуас пен қазақстандық боксшы Дәулет Дәукенов арасындағы титулдық жекпе-жек болмақ.
Сонымен қатар қазақстандық ММА өкілі Жалғас Жұмағұлов норвегиялық Раванд Оубамен күреседі.
Өз кезегінде бразилиялық Фелипе Майа рингте қазақстандық тағы бір аралас жекпе-жек жауынгері Дамир Ысмағұловпен кездеседі.
