Қазақ боксшысы Сағындық Тоғамбай Азия чемпионатындағы финалдық жекпе-жегін өткізді.
Сағындық 92 келіге дейінгі салмақ дәрежесінде Парвиз Каримовтен басым түсті. Тәжік боксшысы үш рет нокдаунға жіберілгендіктен төреші жекпе-жекті екінші раундта мерзімнен бұрын аяқтауға мәжбүр болды.
Сағындық Тоғамбай 2022 жылы Азия ойындарының қола жүлдегері саналады. Бұдан бөлек жастар арасында Азияның үш дүркін чемпионы.
