Ташкентте бокстан өткен Өзбекстан чемпионатында екі этникалық қазақ алтын медаль жеңіп алды.
Мадияр Данияров 60 келіге дейін салмақ дәрежесінің ақтық жекпе-жегінде Шохрух Абдумаликовты тізе бүктірсе, ал 63,5 келіде әлем және Азия чемпионы Руслан Абдуллаев Адхамжон Мухиддиновтан мықты болды.
Тағы қос этникалық қазақ — Мадияр Саидрахымов (92 кг) пен Арман Маханов (+92 кг) күміс медаль иегерлері атанды. Саидрахымов шешуші айқаста Турабек Хабибуллаевке жол берсе, Маханов Джахонгир Зокировтен жеңіліп қалды.
Еске сала кетсек, биылғы Өзбекстан чемпионатында он бес этникалық қазақ өнер көрсетті.
