Өзбекстандық кәсіпқой боксшы Баходир Джалолов өзінің Instagram парақшасында қазақстандық UFC жұлдызы Шавкат Рахмоновпен түскен суретін бөлісті.
"Үлкен өзбек және Номад. Саған алдағы жекпе-жекте сәттілік тілеймін, бауырым", – деп жазды Джалолов.
Бұған дейін Шавкат Рахмонов (19-0) мамыр айында октагонға қайта оралып, АҚШ өкілі Белал Мухаммадпен (24-3) UFC-дің жартылай орта салмақтағы чемпиондық титулы үшін жұдырықтасады деп күтілген. Бірақ қазақстандық файтер жарақаттарынан толықтай айығу үшін үзіліс алуды жөн көрді.
Шавкат Рахмонов соңғы рет желтоқсан айында октагонға шыққан болатын. Ол Ирландияның өкілі Иэн Гэрриді (15-1) бірауыздан қабылданған шешіммен жеңіп, кәсіби мансабындағы жеңісті сериясын жалғастырды.
